打你天 

打你天，打你地，打三十二五下，

問你用錢用若濟？用八千

土地公，去掠鴨，土地婆，笑哈哈。

十二生肖 

一鼠做頭名，二牛駛犁兄，

三虎爬山崎，四兔遊京城，

五龍皇帝命，六蛇予人驚，

七馬跑兵營，八羊食草嶺，

九猴爬樹頭，十雞啼三聲，

十一狗顧門埕，十二豬真好命。

天 烏 烏 

天烏烏，卜落雨，阿公仔舉鋤頭卜掘芋，

掘仔掘，掘仔掘，掘著一尾旋鰡鼓，咿呀嘿都真正趣味！

阿公仔卜煮鹹，阿媽仔卜煮井；

阿公仔卜煮鹹，阿媽仔卜煮井；

二個相打弄破鼎、弄破鼎，咿呀嘿都弄噹七噹嗆！ 

哇哈哈！哇哈哈！

猴 佮 狗

樹頂一隻猴咧，樹跤一隻狗咧；

猴跋落來弄著狗，狗吠猴吼，

猴走狗也走；不知猴驚狗，抑是狗驚猴。

放 雞 鴨

一放雞、二放鴨、三分開、四相疊、五拍胸

六拍手、七紡紗、八摸鼻、九扭耳、十抾起

打 馬 膠

點 仔 膠 ， 黏 著 腳，叫 阿爸 ， 買 豬 腳

豬 腳 箍 仔 滾 爛 爛，餓 鬼 囡 仔 流 嘴 瀾

西 北 雨

西 北 雨 ， 直 直 落，鯽 仔 魚 ， 卜 娶 某

鮕 呆 兄 ， 拍 鑼 鼓，媒 人 婆 ， 塗 虱 嫂

日 頭 暗 ， 揣 無 路，趕 緊 來 ， 火 金 姑

做 好 心 ， 來 照 路，西 北 雨 ， 直 直 落

台 灣 出 甜 粿

喂 喂 喂    台灣出甜粿     甜粿真好食 

台灣出木屐    木屐真好穿   台灣出鵁鴒    鵁鴒會講話

台灣出棉被    棉被甲會燒   台灣出芎蕉    芎蕉真大批

台灣出蕃薯    蕃薯真正好   台灣是寶島    台灣是寶島

秀 才 騎 馬 弄 弄 來

秀才秀才    騎馬弄弄來

在馬頂跋落來    跋一下真厲害

嘴齒痛糊下頷    目睭痛糊目眉

腹肚痛糊肚臍    嘿  真厲害

搖 嬰 仔 歌

嬰仔嬰嬰睏    一瞑大一吋 

嬰仔嬰嬰惜    一瞑大一尺

白 鴒 絲

白鴒絲    車畚箕   車到溪仔墘 

跋一倒撿到二鮮錢    一鮮儉起來好過年   一鮮買餅送大姨

丟 丟 銅

火車行到伊著    阿麥伊著丟    哎喲旁空來

旁空的水伊著    丟丟銅仔 

伊著阿麥伊著丟阿    伊著滴落來

排 骨 仔 隊

阮就是排骨仔隊，恁嘛是排骨仔隊，

胸崁仔若樓梯，腹肚若水櫃，

雙支手金光鎚，雙支腳草螟仔腿，

人人攏叫阮是排骨仔隊